الرئيسية / المجتمع / حكاية نجاح منال وجيه في تجمع عشانك

حكاية نجاح منال وجيه في تجمع عشانك

 
 كتبت نرمين الأشهب

وراء قصة كفاح ونجاح كل سيدة حكاية رغبنا ان نتعرف عليها وتعرفنا علي نقطة انطلاقها من اين بدآت وخطواتها خلال مسيرة كفاحها ونجاحها  وكذلك خطتها  لاستكمال مسيرتها .

قالت السيدة منال وجيه مؤسس جروب تجمع عشانك ” البداية كانت اختيار الآسم ازاي نعمل تجمع للسيدات يكونوا مرتاحين فيه وفِي نفس الوقت يدل علي المكان وهى منطقة التجمع ففكرت بتآسيس جروب واسميته تجمع عشانك هو اكبر جروب نسائى لسيدات التجمع و القاهرة الجديدة
الجروب هذه السنة الثالثة له الحمد لله ومستمرين في تعريف السيدات بالمنطقة وتسهيل حياتهم بشكل كبير وبسبب عددنا وقوتنا الجروب بقي ليه خصومات وكتيب خاص بيقدم عروض وتخفيضات في أماكن كتير تجمع عشانك بيّدين بالفضل وانا أدين بالفضل لاصدقائى وأصحابي الذين وقفوا جنبي وساعدونى ومازالوا بيساعدونى وبيقفوا جنبي وجنب الجروب ولا يترددوا انهم يقدموا اَي شى للجروب يوميا فلدينا  الخدمات الطبية لتسهيل علي السيدات وكذلك لدينا استشارات من اطباء متخصصة وكذلك  يوم رياضي وايضا لدينا  مساحة للسيدات الذين يقدمون   أعمال من المنزل ( اون لاين ) ليعرضوا فيها منتجاتهم
الرائع ان الجروب قدر يجمع عضوات مقيمات  خارج البلاد ولكنهم علي علم ودراية بكل التطور الذي يتم في التجمع ولما بينزلوا مصر  بيكونوا مخخطين لخروجات تجمع عشانك
في ناس بتكتشف ان اولادهم مع بعض في المدارس والنوادي فبقي في جو من الالفة بين العضوات وخروجات الجروب لا تقل عن ٢٠٠ عضوة والعدد بيرتفع ليصل الي ٤٠٠ سيدة قدرنا ان نعمل ليهم مجتمع يتعارفوا فيه.
الصعوبات التي تقابلنا كثيرة مثل التأكد من اكونت كل سيدة تضاف الي جروب فهو امر متعب ومرهق ولكن ربنا قدرنى واخترت سيدات فاضلات بيعانونى علي المشقة الصعبة ومنها ايضا في تعريف السيدات بالجروب واحترام قوانينه ان ممنوع الفتاوى الدينية والسياسة والاعلانات وده كان صعب في البداية وخصوصا في جروب جديد بس لكن بعد ذلك العضوات نفسهم بيساعدوا الادمن.
واضافت أن الجروب اصبح أساسي في حياتى الحمد لله وبتابعه في أوقات كتير وفِي الغالب لا اتواصل في اَي جروب غيره كي استطيغ أن  اتابعه وخصوصا اني ام لبنوتين وبشتغل في اخبار اليوم مصممة اعلانات فالتليفون والجروب رفيقي الدائم في التمارين وأثناء الانتظار وفِي المطبخ وكل مكان تقريبا ده في البداية حاليا الموضوع قل كتير لوجود اكتر من ادمن فالموضوع اصبح افضل الحمد لله
اكتر شي بيسعدنى ان اطلب من مكان خصم وأقول بس تجمع عشانك بيكون في ترحاب شديد وهذا يرجع الي سمعة الجروب الطيبة الحمد لله
ان تجمع عشانك اصبح مش مجرد جروب لا ده اصلح تجمع حقيقي ونقلنا العالم الافتراضي الي عالم واقعي واصبح كيان معروف لسكان التجمع جميعا
وقد ظهرت في التلفزيون للتعريف بجروبنا الذي اصبح جروب معروف بروحه الحلوة ومحاولته لإعادة جو الالفة بين الجيران.
واخيرا أرغب أن أوجه كلمة لعضوات الجروب بأن تجمع عشانك هو جروب لنا جميعا جروب بيكبر وبينتشر بحضراتكم ولحضراتكم أتمنى ان الجروب يكون يترك بصمة في حياة كل سيدة وأثر ايجابي  في حياتكم كما كان له اثر كبير ايجابي  في حياة ادمنز الجروب جميعا وبشكر كل عضوة فعالة ومتفاعلة علي حروب تجمع عشانك”

عن Marwa ali

شاهد أيضاً

الخشت: إنتظام امتحانات الفصل الدراسي الثاني بكليات حامعة القاهرة ورصد 33 حالة غش فردية منذ بدء الامتحانات

  كتبت مريم زهران اعلن الدكتور محمد عثمان الخشترئيس جامعة القاهرة، أن تقرير سير امتحانات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *