الرئيسية / المجتمع / رحلة مجازفة أميرة الششتاوي من مدرسة لمديرة حضانة ناجحه

رحلة مجازفة أميرة الششتاوي من مدرسة لمديرة حضانة ناجحه

 

كتبت نرمين الأشهب

قصة كفاح جديدة ترويها صاحبة الحكاية أميرة الششتاوي “أنا بقى قصتى بدأت و أنا فى الجامعة اشتغلت مدرسة لغة عربية فى مدرسة أمريكية و أنا بدرس و اتجوزت بعد مراحل صعبة كتير و سكنت بعيد عن أهلى و أهل زوجى بس كان طول الوقت عايشين  معاااهم و اشتغلت فى مدرسة كندية و بدأت مرحلة الصعوبة بقى أول لما بعت شقتنا علشان نكبرها و قعدنا فى ايجار حطيت تحتها ميت خط دى مجااازفة جامدة و لكن للاسف بدأ يحصل احداث كتيرة الفلوس بدأت تروح مننا واحدة واحدة بسبب احداث حواليا و فجأة قولت لزووجى هات باقى الفلوس انا هعمل مشرووووع هو مكنش مستوعب و فجأة لقيت حماااايا ماشى معااايا و طبعا حماتى ليها دور كبير جدااااا فى وقوفهم جمبى و فى خلال اسبوع كنت أجرت مكان لعمل حضانة و اتفقت على التجهيز و دفعت عربون و اضحك علينا و روحنا للنصاب لحد بيته و كملنا بردوا و مضينا العقد و كل دة فى يوم و ليلة و عملنا صفحة و اعلانات و من هنا بدأت المعاااانااااه احنا كنا بنستنزف كل ما هو ورانا و قدمنا فى الحضانة بندفعه ايجار و مصاريف و حتى مرتبى ف شغلى القديم و دفعنا جزء ميراث ببايا فى الايجار و كنت حامل كمان و مش بروح لدكتور بسبب الحضانة و ليل نهار فيها و دعاية و اعلانات و مكنش فى بيت ليا بمعنى الكلمة و مواقف صعبة بدأناها من الصفر فعلااااا نقوم و نقع و يحصل مشكلة و ننقل و نستلف و نكمل و جوزى يقولى عوضى على الله فى الفلوس و انا انهااارت و بدأت بقى بعد ما نقلنا الحضانة و……

كانت رب ضرة نافعة فعلا …… الحمد لله اعدنا سنة عذاااااااااب و عدت و بدأنا بقى الحضانة يكون ليها اسم كبير فى التجمع الأول الحمد لله بقالنا 4 سنين و مكملين الحمد لله و فى أوقات مبيكنش فى أماكن فى الحضانة و المفاجأة هنفتح فرع تانى قريب جدا قريبا بعد العيد إن شاء الله و دى حكااايتى الحمد لله”

عن Marwa ali

شاهد أيضاً

رحلة تحدي ونجاح ابتهال أشرف من الثابت المضمون لمخاطرالحر

كتبت نرمين الأشهب وقصة جديدة من قصص السيدات الناجحات بمجال الأعمال الحرة بعد ان تخلت …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *